ლევოქსი ტაბლეტი 500მგ #10

ლევოფლოქსაცინი არის ფართო სპექტრის ანტიბიოტიკი, რომელიც კლავს ბაქტერიებს მათი დნმ-ის რეპლიკაციის (გამრავლების) ბლოკირებით (ტოპოიზომერაზა II და IV ფერმენტების ინჰიბირებით). ის აქტიურია გრამდადებით და გრამუარყოფით ბაქტერიებზე.

ჩვენებები: თემში შეძენილი პნევმონია, ქრონიკული ბრონქიტის ბაქტერიული გამწვავება, მწვავე ბაქტერიული სინუსიტი, გაურთულებელი და გართულებული შარდ-სასქესო სისტემის ინფექციები (მათ შორის პიელონეფრიტი), კანისა და რბილი ქსოვილების ინფექციები, პროსტატიტი.

ექიმები ლევოფლოქსაცინს ჩვეულებრივ მაშინ ნიშნავენ, როცა სხვა, უფრო მსუბუქი ანტიბიოტიკები არაეფექტურია ან უკუნაჩვენებია. ფტორქინოლონები სარეზერვო ანტიბიოტიკებია, ამიტომ თვითმკურნალობა დაუშვებელია.