აქსელანი — ტკივილგამაყუჩებელი და ანთების საწინააღმდეგო ტაბლეტი (მელოქსიკამის ჯგუფი, NSAID). ეფექტურია სახსრების, ზურგის, კუნთებისა და კბილის ტკივილისას, ასევე ართრიტისა და ოსტეოართროზის დროს. მიიღეთ ჭამის დროს ან შემდეგ, დღეში ერთხელ, სასურველია ერთსა და იმავე დროს. ექიმის დანიშნულების გარეშე 5 დღეზე მეტხანს არ მიიღოთ — თუ ტკივილი არ გაივლის, მიმართეთ ექიმს.
მელოქსიკამი ბლოკავს ფერმენტ ციკლოოქსიგენაზა-2-ს, რომელიც იწვევს ანთებასა და ტკივილს. ამით მცირდება შეშუპება, სიწითლე, ტკივილი და სიცხე ანთების კერაში.
გამოიყენება: ოსტეოართროზი (სახსრების ცვეთა), რევმატოიდული ართრიტი, ანკილოზირებული სპონდილიტი (ხერხემლის ანთება), სახსრების, ზურგის, კუნთებისა და კბილის ტკივილი.
ექიმი დანიშნავს ქრონიკული სახსრის ტკივილის, დეგენერაციული ცვლილებებისა და ანთებითი დაავადებების დროს, როცა პარაცეტამოლი საკმარისი არ არის.
ექიმის რეკომენდაციები განსაკუთრებული ვითარებებისთვის. დააწკაპუნე ცნობებზე დეტალური განმარტებისთვის.
ალკოჰოლი ზრდის კუჭ-ნაწლავის სისხლდენისა და წყლულის რისკს. მოერიდეთ ან მინიმუმამდე შეამცირეთ ალკოჰოლის მოხმარება მელოქსიკამის მიღებისას.
ბოლო 3 თვეში დაუშვებელია — ნაყოფის არტერიული სადინარი ნაადრევად იხურება. პირველ 6 თვეშიც მხოლოდ ექიმის ნებართვით, მინიმალური დოზით და ხანგრძლივობით.
მელოქსიკამი მცირე რაოდენობით გადადის დედის რძეში. ძუძუთი კვებისას მიღებამდე აუცილებელია ექიმთან კონსულტაცია — შესაძლოა უფრო უსაფრთხო ალტერნატივა არსებობდეს.
ზოგიერთ პაციენტს შეიძლება განუვითარდეს თავბრუსხვევა ან ძილიანობა. თუ ასეთი სიმპტომები გაქვთ — ნუ მართავთ სატრანსპორტო საშუალებას.
მელოქსიკამი ამცირებს თირკმლის სისხლის მიმოქცევას. თირკმლის დაავადების, გაუწყლოების ან თირკმელზე მოქმედი სხვა წამლის მიღებისას — სავალდებულოა ექიმთან კონსულტაცია.
ღვიძლის ქრონიკული დაავადებისას მელოქსიკამი სიფრთხილით გამოიყენება. მძიმე ღვიძლის უკმარისობისას უკუნაჩვენებია. აცნობეთ ექიმს ღვიძლის პრობლემების შესახებ.
21 სექციანი მწარმოებლის ოფიციალური ინსტრუქცია